.jpg)
.jpg)
.jpg)
ශ්‍රී ලංකාවේ සමස්ත
සිවිල් යුද සමයෙහි ඊට මැදිහත් සියලු පාර්ශ්ව විසින් සිදුකර ඇති සියලු කාර්යයන්
සම්බන්ධයෙන් විශ්වසනීය, එසේම ස්වාධීන පරීක්ෂණයක්
පවත්වනු ලැබීම රටේ යහපතට හේතුවෙන බව ඇමෙරිකා එක්සත් ජනපදය පවසා තිබේ.
කොළඹදී පැවති විදේශීය ජනමාධ්‍යවේදීන්ගේ සම්මේලනයේදී ඇමෙරිකානු
තානාපතිනී මිෂෙල් ජේ. සීසන් මෙසේ අදහස් ප්‍රකාශ කළ බව බී.බී.සී.ය පෙන්වා දෙයි.
එහිදී තානාපතිනිය වැඩිදුරටත් පෙන්වාදී තිබෙන්නේ,
ජිනීවාහිදී අනුමැතිය ලද පරීක්ෂණය 2002
සිට 2009 අතර කාල පරාසයට සීමා වීම සම්බන්ධයෙන් බොහෝ දෙනා
ප්‍රශ්න මතු කර ඇති බවයි.
ඒ අනුව, ජාත්‍යන්තර ප්‍රජාව අවධානය
යොමු කරන්නේ ඉහත කාල සීමාව කෙරෙහි පමණක් නොවන බව සඳහන් කර ඇති තානාපතිවරිය,
අර්බුදයට අදාළ සමස්ත කාල පරිච්ඡේදයම ආවරණය කෙරෙන විභාගයක් ශ්‍රී
ලංකාවට යහපත් වන බව පෙන්වාදී තිබේ.
එමෙන්ම, ඇමෙරිකා එක්සත් ජනපදයේ සහ ශ්‍රී
ලංකාවේ ජනතාව අතර දිගුකාලීන මිත්‍රත්වය මෙන්ම ඉතා පුළුල් ක්‍රියාකාරකම් දහරාව සහ
දෙරටේ ආවේණික සම්බන්ධතා කිසිදු අකාරයකින් වෙනස් වී නොමැති බවද තානාපතිනිය පෙන්වාදී
ඇතැයි බී.බී.සී.ය කියයි.
